O xoves, 26 de xaneiro as 20:00 horas na sé social de Xeneral Pardiñas, continuando co ciclo dedicado á cidade de Santiago dentro do programa de Tertulias do Club, este mes acompáñanos D. Rubén Cela. «Extratexias políticas para o desenvolvemento local de Santiago de Compostela»
D. Rubén Cela (1979) é Licenciado en Economía pola USC e especialista en Dereito Tributario. No ámbito político, milita no nacionalismo desde os 16 anos, nos Comités Abertos de Estudiantes (CAE), nos Comités Abertos de Facultade (CAF) e en Galiza Nova, da que foi Secretario Xeral. Foi Director Xeral de Xuventude da Xunta de Galiza e, actualmente, é portavoz do grupo municipal do BNG e membro da Executiva Nacional do BNG. No ámbito privado, tamén traballou como economista nunha consultoría.
